Nunaannaq

Sammisassaqartitsivissatut pingaaruteqartut

a) Nuna tamanna sunngiffimmi atugassanik sanaartorfissiaavoq, soorlu takornariat illuaraannik eqimattunik, unnuisarfinnik allanillu takornariartitsinermut sunngiffimmilu sammisaqarnermut tunngasunik. Illut atorneqanngitsut toqqorsivittut atorneqarsinnaapput. b) Tamatuma atorneqarneranut allannguutaassanngippat sanaartukkantu atasunik panersiiviliortoqarsinnaavoq, pujooriliortoqarsinnaalluni naatsiiviliortoqarsinnaalluni annikinnerusunillu atortorissaarusiortoqarsinnaalluni.

Minkiuteqarfik atorunnaarsimasoq tamaaniippoq, 2011-imilu toqqorsivittut unnuisarfittullu atorneqarluni.

a) Nunaminertaq katilluni 10 ha missaannik annertussuseqarpoq. b) Nunaminertap sinnera pillugu immikkut ittunik piumasaqaateqanngilaq.

a) Sanaartukkat atortorissaaruteqarfiillu 1½ tikillugit quleriilerlugti kiisalu nunap pukkinneraniit annerpaamik 8 meterinik portussusilerlugit sananeqarsinnaapput. b) Illuaqqat nutaat illuaqqanut sanaartukkanulluunniit allanut minnerpaamik 30 meterinik ungasissusilerlugit sananeqassapput. c) Sanaartukkat atortorissaaruteqarfiillu avatangiisiminnut takussunarsaataasussaajunnaarlugit tamarmik ingerlaavartumik aserfallatsaalineqassapput d) Qalikat illullu innaat qillertunik qalliuserneqassanngillat. e) Nutaamik illuliorfissat illuliorfigereersimasunut sinerissap eqqaaniittumut inissinneqassanngillat

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni. b) Nr. 1a naapertorlugu sanaartukkanut, atortorissaaruteqarfinnut allatulluunniit nunaminertamik annertuumik atuinermut atasumik aqquserniortoqarsinnaavoq, biilinut ingerlaarfiliortoqarsinnaalluni pisuinnarnullu aqquserniortoqarsinnaalluni. Taakku kikkunnilluunniit atorneqarsinnaasassapput. c) Tamaani atugassanik innaallagissamik, imermut, kiassarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Sanaartukkanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat.