Quppernerni tulliuttuni illoqarfiit nunaqarfiillu mananamut ineriartorsimaneri aammalu siunissami periarfissaat pilersaarutaasullu oqaluttuarineqassapput.
Illoqarfinni nunaqarfinnilu tamani toqqagassami "Immikkoortut" illoqarfiit / nunaqarfiit immikkoortunut assigiinngitsunut atorneqarfissaminnut assigiinngitsunut agguataagaasunut immikkoortiterneqarput. Immikkoortut NunaGIS-imiit nunat assingi atorlugit takutinneqarput. Immikkoortuni tamani aalajangersakkat allassimapput nunaminertat taakku siunissami qanoq atorneqarsinnaanerinut tunngasut. Kommunimut pilersaarummi aalajangersakkat kommunip nunaminertanik sorlernik atugassanngortitsisinnaaneranut tunngavigineqartarput. Nunaminertamik atugassanngortitsineq kommunimut pilersaarummi siunertanut akerliusinnaanngilaq.
Immikkoortut ilaanni aalajangersakkat pingaarnerusut saniatigut sukumiinerusunik aalajangersagaqarpoq. Aalajangersakkat pingaarnerusut naggataasigut oqaatigineqartarpoq aalajangersakkanik sukumiinerusunik taama ittunik aalajangersagaqarnersoq. Kommune Kujallermut pilersaarummi siullermi aalajangersakkat sukumiinerusut tassaapput siusinnerusukkut illoqarfiup immikkoortuinut aalajangersagaareersimasut. Taakku kommunimut pilersaarutip akuersissutigineqarneratigut aalajangersakkatut sukumiisutut naatsorsuutigineqalissapput.
Qaqortoq
Qassimiut