Teknikkikkut atortorissaaruteqarfiit. (Sumiiit N)
Sumiiffiit teknikkikkut atortorissaaruteqarfiit, soorlu pilersuinermut attaveqarnermullu aammalu allanut atortoqarfiit ilisarnaateqaat teknikkikkut atortorissaaruteqarfiusaramik soorlu imermik nukissiorfiullutik allanillu pilersuinermut pilersitsinermulluunniit assigisaannullu atortoqarfiusaramik. Allatut oqaatigalugu, inuussutissarsiutit pisuussutinik uumassusilinnik atuinermik aallaaveqanngitsut pineqarput. Sumiiffinni ataasiakkaani suliffeqarfinnut atortorissaaruteqarfinnullu atasunik ukioq kaajallallugu najugaqarfiliortoqarsinnaavoq, stationiliortoqarsinnaalluni, tammaarfiliortoqarsinnaalluni assigisaannillu sanasoqarsinnaalluni. Suliffeqarfiit taakku soorunami nunami tamaani attaveqaatinik pilersuinermilu atortunik teknikkikkullu pilersuivinnik isumalluuteqartussaapput. Imermik nukissiorfik soorunami tamaani innaallagissamik pilersuiffiussaaq. Sumiiffinni taakkunani illuaraliortoqassanngilaq aasarsiortarfiliortoqaranilu sumiiffiit taakku ilaat suliffeqarfinnut atortorissaaruteqarfinnullu taaneqareersunut atugassiaanerat pissutigalugu.
Sanaartorneq
Sumiiffiit ilaanni taakkunani sanaartorneq pillugu pingaarnerusutigut piumasaqaateqanngilaq.
Angallannermi pilersuinermilu atortorissaaruteqarfiit
Teknikkikkut atortorissaaruteqarfinnut aammalu pilersuinermi attaveqarnermilu atortoqarfinnut assigisaannullu pisariaqartinneqartunik talittarfiliortoqarsinnaavoq allatulluunniit umiarsualivissittarfiliortoqarsinnaalluni kiisalu qulimiguulinnut mittarfeeraliortoqarsinnaalluni. Sumiiffiit ilaanni tamaani atortorissaaruteqarfinnut sanaartukkanullu atasunik aqquserniortoqarsinnaavoq, biilinut ingerlaviliortoqarsinnaalluni imaluunniit pisuinnarnut aqquserniortoqarsinnaalluni. Aamma suli allanik teknikkikkut pilersuinermut atortulersuisoqarsinnaavoq, soorlu innaallagissiornermut, imeqarnermut, nalunaarasuartaateqarnermut kuuffeqarnermullu atortorissaarutinik tamaaniinnaq atugassanik. Imermik katersuiviliorneq kuuffinnullu aniaffiliorneq aatsaat Naalakkersuisut akuersisillugit pisinnaavoq.
