Qassiarsuk

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Inuussutissarsiutinik ingerlatsivik - Inuussutissarsiutit assigiinngitsut. Nunaqarfiup ilaa tamanna inuussutissarsiorfissatut naatsorsuusaaneruvoq, pingaartumik savaateqarnermi atugassanik sanaartorfissatut. Aamma nuna tamanna naatitsivittut imaluunniit allanngortitassaanngitsutut atorneqarsinnaavoq.

Nunaqarfiup ilaa tamanna annermik ungalullugu naatitsivissatut savaateqarfimmi atugaavoq.

Nunaqarfiup ilaa tamanna 118 ha missaannik annertussuseqarpoq.

Aalajangersakkani sukumiinerusuni tamaanga atuuttuni maleruagassat naapertorlugit sanaartukkat nutaat suliarineqassapput. Sanaartukkat nutaat sanaartukkanut pioreersunut naleqqussarneqassapput. Immikkoortup C4-ip eqqaani 20 meterit iluini sanaartortoqassanngilaq.

Nunaqarfiup ilaa tamanna oqaluttuarisaanikkut soqutiginaatilinnik qanganitsanik nassaasaqarfiusinnaavoq. Taamaammat qanganitsat tamakku qallerlugit sanaffigineqaqqunagit nalunaarsorneqassapput nunallu assinganut nalunaarsorneqassallutik. Sumiiffik nalunaarummi allatigut kulturikkut eriagisassat pillugit Namminersorlutik Oqartussat nalunaarutaat nr. 16, 5. juuli 2016-imeersumi ilaavoq, aamma sanaassat nutaat sammisaqartitsinerillu malittarisassanut akerliussanngillat. Akuersisoqarsimatinnagu nunamut ilioqqaasoqartassanngilaq.