Qassiarsuk

Najugaqarfiit

Inissialiornerit akulikitsut pukkitsullu

Ineqarfik - Ammasut pukkitsut. Nunaqarfiup ilaa tamanna siunissami ineqarfinnik ataatsimoorlunilu atugassanik sanaartorfissatut naatsorsuusaaneruvoq.

Tamaaniipput ineqarfiit, neriniartarfik, atuarfik aammalu atuartut angerlarsimaffiat il.il.. Ineqarfiit tassaanerupput illut ataasiakkaat qaliaqanngitsut qaliallillu. Aammattaaq nunaqarfiup qulimiguulinnut mittarfia tamaaniippoq.

Tamanna 18 ha missaannik annertussuseqarpoq ha-mut ataatsimut qulinik ineqarfiliorfiusinnaalluni. Angerlarsimaffinnut 20-nut suli inissaqarpoq.

Nunaqarfiup ilaa tamanna annermik illunut qalialinnut timersortarfeeqqamullu naatsorsuusaavoq. Sanaartukkat nutaat tamaannga aalajangersakkani sukumiinerusuni sanaartorfissatut immikkoortitat iluini sananeqassapput. Sanaartukkat nutaat ilusilersugaanermikkut, sananeqaatimikkut qalipaasersugaanermikkullu sanaartukkanut pioreersunut naleqqussarneqassapput.

Illut nutaat ajornanngippat innaallagissamut imermullu atassuserneqassapput.

Sumiiffik nalunaarummi allatigut kulturikkut eriagisassat pillugit Namminersorlutik Oqartussat nalunaarutaat nr. 16, 5. juuli 2016-imeersumi ilaavoq, aamma sanaassat nutaat sammisaqartitsinerillu malittarisassanut akerliussanngillat. Illut eqqissisimatinneqartussat: B-313 savaasivia, B-314 savaasaasivia, B-316 Otto Frederiksenip illua.  Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput.. Nunaminertat atorneqanngitsut kommunalbestyrelsip akuersineratigut naatitsinermut atorneqarsinnaapput. Nunaminertat sinneruttut pissutsimissut itsiinnarneqassapput. Teknikkeqarfik akuersisimatinnagu nunaqarfiup ilaa tamanna atortussanik atortorissaarutinillu ilioqqaavigineqassanngilaq.

Isumannaallisaavik S2.