Qaqortoq

Teknikkimut atortulersuutit attaveqaatillu

Teknikkimut atortut

Piffissap pilersaarusiorfiup ingerlanerani nutaamik mittarfiliortoqarneratigut qulimiguulinnut mittarfiup atorunnaarnissaa naatsorsuutigineqarpoq. Qulimiguulinnut mittarfiup atorunnaarnissaata tungaanut mittarfiup atorneqarnerani atugassanik sanaartortoqarsinnaavoq. Mittarfiup atorunnaarneratigut sinneruttoq atortorissaaruteqarfinnut ineqarfinnullu tassunga atasunut sananissamut inissaqalissaaq.

Tamaaniipput qulimiguulinnut mittarfik illutaalu.

Nuna tamanna 1,9 ha missaannik annertussuseqarpoq. Sinneruttoq: Sanaartorfissaq 1,4 ha-iusoq tamaani immikkoortinneqarsimavoq. Sanaartorfissami illut immikkuualuttut 14-it sananeqarsinnaapput. Siunissami sananeqartussat allat toqqavinni atorneqareersuni taamaallaat sananeqarsinnaapput.

Sanaartukkat. Mittarfiup atorunnaarnissaata tungaanut nutaamik sanaartukkat immikkuualuttunngorlugit ataasiinarmik quleriilinngorlugit sananeqarsinnaapput. Tamatuma kingorna nutaamik sanaat immikkuualuttunngorlugit 2½-innik quleriilinngorlugit sananeqarsinnaapput. Nunatap nutaamik atorneqarnissaanut Kommunip pilersaarutaanut ilanngussami suliarineqassaaq.

Aqqusineq Krudthusvej atorlugu tamanna tikinneqarsinnaavoq.

Qulimiguulinnut mittarfiup eqqaa Si-1-mik isumannaallisaaveqarpoq.