Qaqortoq

Teknikkimut atortulersuutit attaveqaatillu

Teknikkimut atortut

Tamaani avatangiisitigut atortorissaarutinik soorlu eqqagassanik immikkoortiterivinnik avatangiisitigullu suliaqarfinnik allanik pilersitsisoqarsinnaavoq. Tamaanissaaq umiarsualivimmik illutaanillu sanasoqarsinnaavoq.

Tamaaniipput tankeqarfik, kiassaateqarfik illutalik, ikuallaavik aammalu ledninngeqarfik.

Tamanna 4,3 ha missaannik annertussuseqarpoq. Sinneruttoq: 0,8 ha missaa sinnerussaavoq. Sanaartorfissaq E1-a 0,1 ha-nik angissusilik tamaaniippoq. Sanaartorfissap iluani umiarsualiviliortoqarsinnaavoq illutalimmik.

Illut nutaat nunap pukkinneraniit annerpaamik 15-inik portussusilerlugit sananeqarsinnaapput.

Tamanna Kilaalap Aqqutaa atorlugu tikinneqarsinnaavoq.

Nalunaarasuartaateqarfimmi asseqqusaanngitsup In-1-ip iluani sanaartornerit nalunaarasuartaateqarfik aatsaat isumaqatigalugu pisinnaapput. Tankeqarfiit eqqaanni isumannaallisaaviusoq Si-2 ataqqineqassaaq.