Qaqortoq

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut umiarsualiveqarfiillu

Umiarsualiveqarfik. Umiarsualiveqarnermut atasunik ilioqqaaviliortoqarsinnaavoq. Aalisakkerivinnik, talittarfinnik inuussutissarsiutigalugu aliikkutaralugu aalisartut piniartullu illuaraannik inissiisoqarsinnaavoq, tamanillu orniguffigineqarsinnaasut (innuttaasut illorsuat, kalaalimineerniarfik il.il.).

Tamaaniipput angallatinut nuannaariutinut talittarfik aalisakkerivilu, kiisalu umiatsiaaqqanik iluarsaasarfik atortorissaarutitalik toqqorsivittalillu. Tamaaniipputtaaq orsussaarniarfik inuussutissalerivillu.

Tamanna 3,7 ha missaannik annertussuseqarpoq. Sinnerussaq. 0,8 ha missaa sinnerussaavoq sanaartorfissani B1-a-mi aammalu B 1-b-imi illuni. Sanaartorfissami B-1-ami inuussutissarsiutigalugu aammalu sunngiffimminni aalisartut piniartullu iluaraannik sanasoqarsinnaavoq. Illoqarfiup ilaa tamanna siuliinut taarsiulliugu aalisakkeriviup talittarfiullu allineqarneranut atorneqarsinnaavoq. Sanaartorfissami B1-b-mi puttasoq pioreersoq allineqarsinnaavoq.

Illut nutaat nunap pukkinneraniit annerpaamik 8 meterinik portussuseqartillugit sananeqarsinnaapput. Kuup akuata eqqaani sanaartornermi illup ilusilersugaaneri eqqumaffigineqartariaqarput.

Tamatuma aqqusinii aqquserngit Ny Vestervej aammalu Johan Dahlsvej atorlugit tikinneqarsinnaapput. Illoqarfiup ilaa tamanna kuuffilersugaavoq sanaartukkallu nutaat imermut kuuffinnullu atassuserneqassallutik.

Aatsaat nunaminertamik atugassanngortitsisoqarneratigut nunaminertani atorneqanngitsunik ilioqqaaviliortoqarsinnaavoq.

Umiarsualiveqarfik. Umiarsualiveqarnermut atasunik ilioqqaaviliortoqarsinnaavoq. Aalisakkerivinnik, talittarfinnik inuussutissarsiutigalugu aliikkutaralugu aalisartut piniartullu illuaraannik inissiisoqarsinnaavoq, tamanillu orniguffigineqarsinnaasut (innuttaasut illorsuat, kalaalimineerniarfik il.il.).