Narsarsuaq

Illuaqqat, sunngiffimmi sammisassaqartitsiviit assigisaallu

a) Nuna tamanna illuaqqanik aasarsiortarfinnillu sanaartorfissatut immikkoortitaavoq. b) Tamatuma atorneqarneranut allanngutaanngitsumik killilimmik takornarianut illuaraliortoqarsinnaavoq, piniariartarfiliortoqarsinnaalluni allanillu illuaraliortoqarsinnaalluni, tak. imm. a. c) Tamatuma atorneqarneranut allanngutaassanngippat sanilerisanulluunniit akornutaanngippat illuaqqanut atasunik panersiiviliortoqarsinnaavoq, pujooriliortoqarsinnaalluni, naatsiiviliortoqarsinnaalluni annikinnerusunillu atortuliisoqarsinnaalluni.

2016-imi tamanna pinngortitatut allanngortitaanngitsut ippoq ataasiakkaannguanik illuaraqarluni.

a) Nuna tamanna katilluni 3 ha missaannik annertussuseqarpoq. b) Tamaani tamarmi sanaartornermut aalajangersakkat malinneqarsimanerat apeqqutaalluni sinnerussaq illuaraliorfiusinnaasoq angissusilerneqassaaq.

a) Illuaqqat sananeqassapput illuaqqamut qaninnermut minnerpaamik 60 meterinik ungasissusilerlugit. b) Illuaqqat annerpaamik 1½-inik quleriilerlugit sananeqassapput, tamanna ima paasineqassaaq qaliaqassasut natermikkut annerpaamik 50 m2-inik angissusilimmik. c) Illuaqqat toqqavii pukkinnerpaaffimmikkut nunamiit annerpaamik 40 cm-inik nunamiit portussuseqassapput. d) Illuaqqat avatangiisiminnut takussunarsaataaqqunagit ingerlaavartumik aserfallatsaalineqassapput e) Illuaqqat qaliaat innaallu qillertunik qalliuserneqassanngillat.

a) Ujaraaqqanik qallikkanik aqquserniortoqarsinnaavoq, biilinut ingerlaarfiliortoqarsinnaalluni, pisuinnarnut aqquserniortoqarsinnaalluni imaluunniit talittarfiliortoqarsinnaalluni. b) Illuaqqanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat. c) Tamaani sanaartukkat sumut atortussaanertik naapertorlugu imermut kuuffinnullu atassusernissaat pisussaaffiliunneqarsinnaavoq. d) Atortut c)-mi taaneqartut atorneqarnermikkut sanilerisanut nipiliornermikkut, pujuliornermikkut, tipiliornermikkut, sajutsitsinermikkut allatulluunniit ajoqutaasut sananeqassanngillat.

Sanaartukkap sumut atorneqarnera apeqqutaalluni biilit uninngasarfissaannik sananissaq pisussaaffiliunneqassaaq kiisalu nunap nalimmassarneqarnissaa pisussaaffiliunneqassalluni.