Narsarsuaq

Najugaqarfiit

Quleriinnik initalinnik inissialiorneq

Inissiaqarfik - Akulikitsunik inissiaqarfik. Nunaqarfiup ilaa tamanna massakkut akulikitsunik inissiaqarfissiaavoq kiisalu sullissivinnut, niuertarfinnut inuussutissarsiutinillu oqitsunik toqqorsiveqartariaqanngitsunik ingerlatsivissatut immikkoortitaalluni.

Tamaaniipput amerikamiut timmisartoqarfigisimasaanni ineqarfiusimasut massakkut niuertarfinngortinneqarsimasut ineqarfinngortinneqarsimasullu.

Nunaqarfiup ilaa tamanna 8,5 ha missaannik annertussuseqarpoq hektarimullu 20-40-inik inissialiorfiusinnaalluni, tassa inissiat 200 missaannik. Inissianut 60 missaannut suli inissaqarpoq. Tamaanissaaq inissiarsuarnut pingasunut 60 missaannik, assigiinngitsunik angissusilinnik inissiartalinnut inissaqarpoq kiisalu illunut ataasiakkaanut pingasunut inissaqarluni.

Sanaartukkat tassaassapput illut ataasiakkaat, uigulukuttut aamma/imaluunniit quleriillit. Illut annerpaamik marlunnik qulereeqassapput. Tamaani inissiat saniatigut sullissiviit (paaqqinnittarfiit assigisaallu), niuertarfiit kiisalu oqitsunik inuussutissarsiorfiit toqqorsiveqartariaqanngitsut sananeqarsinnaapput. Illut qaliaat 10°-init uinganeqarnerussapput.

Tamaani sanaartukkat nutaat imermut kuuffinnullu attavilerneqartassapput. Aqqusineqarnermut ileqqoreqqusat naapertorlugit aqqusinermut atassusertittoqartassaaq.

Sanaartukkat nutaat pinnguartarfittaqarnissaat biilinullu uninngasarfeqarnissaat pisussaaffiliunneqartassaaq. Biilit uninngasarfii pinnguartarfiillu qanoq amerlatiginissaat kommunalbestyrelsimit aalajangersarneqassaaq. Kommunalbestyrelsi akuersitinnagu tamaani ilioqqaaviliortoqassanngilaq. Nalinginnaasumik biilinut uninngavissiat imaluunniit umiatsianik inissiiviassiat avataatigut biilinik, umiatsianik assigisaannillu inissiisoqartassanngilaq.

Isumannaallisaavik Sx.3