Narsaq

Teknikkimut atortulersuutit attaveqaatillu

Teknikkimut atortut

Immikkut atugassiaq. Nunaminertaq tamanna imeqarfimmut imiivisimmullu atugassiaavoq. Tamaani inissinneqarsinnaapputtaaq illut atortorissaaruteqarfiillu imermik tunisassiornermut assigisaanullu atugassat.

2016-imi tamaaniipput imeqarfik pisoqaq nutaarlu kiisalu imiivisissuaq kujasinnerusumiittoq.

Nunaminertaq 4,6 ha missaannik annertussuseqarpoq sinnerussarlu 3,1 ha missaanniilluni.

Tamaani nunamiit 8,5 meterinik portussusilinnik sanaartortoqarsinnaavoq. Illoqarfiup ilaanut tamaannga pilersaarutini najoqqutassiat naapertorlugit sanaartukkat nutaat sananeqassapput.

Aqqusinissaq kaajallaguttoq Kaanip Aqqutaaniit / Inuusuttut Aqqutaaniit Savaasat Qaqqaannut ingerlatinniarneqartoq tamaannaqquuttussatut pilersaarutigineqarpoq.

Nunaminertat atorneqanngitsut pissusitoqqamittut itsiinnarneqassapput. Nunaminertat atorneqanngitsunik ilioqqaavittut atorneqassanngillat.

Matusaq S3.1b, erngup imeqarfimmut ingerlaarfia.