Narsaq

Sanaartorfigeqqusaanngitsut sunngiffimmilu sammisassaqartitsiviit

Nunaminertat sanaartorfiunngitsut

Ataatsimut atugassiaq qallunaatsiaqarfikunik tammatsaaliiffik

Ullumikkut tamaaniipput toqoraaviup savanik ungorutsivia kiisalu nuna eqqissisitaq "qallunaatsiaqarfiusimasoq" kiisalu qanganitsanik assaavik annikitsinnguaq.

Nunamineq taanna 1,9 ha missaannik annertussuseqarpoq.

Tamaani pisuinnaat aqqutaat, tummeqqat ungallullu sananeqarsinnaapput. C3.3-p aamma D3.11-ip akornatigut aqqusineq nutaaq savanik massakkut ungorutsiviusup nalaatiguussaaq.

Qallunaatsiaqarfimmi illukut imminni Kulturikkut eriagisassanut inatsit naapertorlugu eqqissisitaapput. Qallunaatsiaqarfiup ilamernga assaavigineqarsimasoq aamma eqqissisitaavoq..

Nuna tamanna Nunatta Katersugaasivia akuersisimatinnagu atorneqassanngilaq. Innersuussutigineqarpoq "Narsaq - illut illoqarfiullu nunataat eriagisassat", Namminersornerullutik Oqartussat 1990, kiisalu kommunip pilersaarusiornerani eriagisassat isumagineqartarnerat pillugu nalunaarummi nr. 31, 30. oktober 1991-meersumi § 2.