Narsaq

Qitiusumik ingerlatsiveqarfiit ataatsimoorussamillu pisoqarfiusartut

Sumiiffiit qitiusoqarfiit

Ataatsimoorussanut atugassiaq - annermik illoqarfiup qeqqani ataatsimoorussat, soorlu pisortat namminersortullu allaffeqarfii, inunnik sullissiviit sullissiviillu allat.

Ullumikkut tamaaniipput meeqqat atuarfiat, oqaluffik, kommunip allaffia, INI, Tele Greenland, katersortarfik, utoqqaat illuat, utoqqaat najugaat, ilaqutariit illui 16-it, niuertarfiit Pisiffik Polarmagasinilu, politeeqarfik, illut eriagisassat B-440 aammalu B-441, marriorfik, kalaalimineerniarfik, orsussaarniarfik, kiisalu Narsaq Turist Service.

Illoqarfiup ilaa tamanna 8,8 ha missaannik annertussuseqarpoq sinnerussarlu 1,5 ha missaanniilluni. Sinnerussaq annermik pisortat namminersortullu allaffiinik, inunnik sullissivinnik sullissivinnillu allanik, aammalu atuarfiup allissutissaanik sanaartorfiussaaq.

Illoqarfiup ilaa tamanna pingasunik quleriilinnik annerpaamik nunap pukkinneraniit 10,5 meterinik portussusilinnik kiisalu annerpaamik 35°-inik uinganilinnik qalialinnik sanaartorfiussaaq.

Aqquserngit Ortooqqap Aqqutaa, Nuviarissamut, Piniartut Aqqutaat, Kong Frederik IX Aqqutaa, Louise-p Aqqutaa, kiisalu Ujuannaap Aqqutaa atorlugit illoqarfiup ilaa tamanna tikinneqarsinnaavoq. Allanik aqquserniortoqassanngilaq.

B-221, B-440, B-441 eriagisassaapput. Kommunalbestyrelsi akuersitinnagu illut allanngortinneqassanngillat / allineqassanngillat qalipanneqassanatillu. Illut taakku pingasut avaqqullugit 25 meterit iluanni nutaanik illuliortoqassanngilaq. B-78, Oqaluffik eqqissisitaavoq. B-429 piiariaannaavoq.. Nunaminertat atorneqanngitsut ataatsimoorussatut inissisimassapput