Narsaq

Najugaqarfiit

Inissialiornerit akulikitsut pukkitsullu

Inissiaqarfik - pukkittut ammasut

Tamaaniipput inissiat 116-it illutut ataasiakkaatut affarleriikkaatulluunniit 1 aamma 1½ quleriilittut sanaat. Piffiup avannamut kippasinnerusortaa boligstøttemit tapiiffigisanik illuliorfigineqarsimavoq. Assassorissanik sullivik ataaseq piffiup avannamut kangianiippoq, kiisalu piffiup qiterpasissuata nalaani mikisumik niuertarfeqarluni. Betonimik kuitsivitoqaq piffiup avannarsissuaniippoq.

Immikkoortup ilaa 8,4 ha-it missaannik annertussuseqarpoq. Piffimmi nunap pissusia pissutigalugu immikkullu avatangiisitigut naleqarnera pissutigalugu piffik tamanna tamakkiisumik sanaartorfigineqarsimavoq. Illunik pioreersunik ingutserinikkut taamaallaat nutaanik illuliortoqarsinnaavoq.

Tamaani sanaartukkat annerpaamik 1½-inik qulereeqassapput qaliallu minnerpaamik 30°-inik kiisalu annerpaamik 45°-inik uinganeqassallutik. Siunissami sanaartornermut piumasaqaasiortoqarsinnaavoq illuliat illuliareersut isikkuinut, inissisimanerinut qalipaataannullu naleqqussarneqartussanngorlugit.

Aqquserngit tamatumunnga atasut tassaapput Tobia-p Aqqutaa, Ortooqqap Aqqutaa aammalu Nuugaarmiunut kiisalu eqqaamioriit aqquserngi Gerti Palasip Aqqutaa, Makkorsip Aqqutaa, Farip Aqqutaa kiisalu Ippiisssarsivasik. Tamaani aqqusernioqqinnissat akuerisaanngilaq. Tamaani erngup aqquteqarpoq kuuffeqarlunilu.

Illoqarfik massakkut sapinngisamik illoqarfittut isikkoqarnermisut allanngutsaalineqassaaq. Illuliat nutaat illoqarfiup ilaanio tamaani illunut naleqqussarneqassapput. Illunik ingutserisoqassatillugu illut ataasiakkaat eriagisariaqarsusiat naliliiffigineqartassaaq. Tamaani allanngutsaaliinermut pilersaarusiortoqassaaq.. Piffip avannamut kangia Nuugaarmiunut sammivoq sanaartorfigineqassananilu.

Piffiit immikkut aalajangersaaviusimasut pillugit kommunimut pilersaarut takuuk: killiligaq S6, heliport.