Nanortalik

Teknikkimut atortulersuutit attaveqaatillu

Teknikkimut atortut

Immikkut atugassiaq - orsussaasiveqarfik.

Orsussaasiveqarfik pioreersoq illutalik

4,3 ha missaanniittoq. Tamatuma ilaa 2,0 ha missaannik annertussusilik 2011-imi atorneqarpoq, taamaammallu sinnerussaq 1,4 ha-nik annertussuseqarpoq.

Tamaani sananeqarsinnaapput orsussaasiveqarfiit atortorissaaruteqarfittaallu. Qilaat uinganeri 10 aamma 30 gradit akornanniissapput. Silataat betonimik, qisummik imaluunniit savimminernik assigisaannilluunniit qalliuteqassapput. Qaliaat pappialarsuarnik saviminermilluunniit qallersimassapput. Orsussaassiviit eqqaat nunniorneqassaaq imeq kuuttussanngorlugu aammalu orsussaassiveqarfiup atortorissaaruteqarfiillu allat eqqaat torersaruminartunngorlugu.

Isuaniit tamaanga aqqusineq ataasiinaasinnaavoq. Tamanna ukioq kaajallallugu imeqaranilu kuuffilersugaanngilaq.

Tamatuma ilaa orsussaassiviit eqqaanni isumannaallisaaviup iluaniippoq. Aammattaaq tamanna nalunaarasuartaateqarfiup eqqaani assersoqqusaanngitsumiippoq. Qulimiguullit mittarfiannut mikkiartortarfik orsussaassiveqarfinnit, napparutinit allanillu assersorneqassanngilaq.