Nanortalik

Sanaartorfigeqqusaanngitsut sunngiffimmilu sammisassaqartitsiviit

Nunaminertat sanaartorfiunngitsut

Nunaminertat atorneqanngitsut - Atorneqanngitsut ataatsimoorussat

Tamaaniipput umiarsualivitoqaq kiisalu illoqarfiup pisoqartaa (katersugaasivik)

8,8 ha missaanniittoq. Sinnerussaqanngilaq immikkut aatsaat pisoqartillugu sanaartortoqarsinnaammat.

Tamaaniipput illut tamarmik immikkut oqaluttuarisaanikkut pingaarutillit. Immikkut ittumik akuersissuteqartoqartinnagu aammalu Nanortallup Katersugaasivia isumasioqqaartinnagu illutoqqat allanngortinneqassanngillat. Immikkut pisoqartillugu aatsaat tamaani nutaanik illuliortoqarsinnaavoq, taakkulu illut tamaaniittut pissusaannut, ilusaannut, atortuinut qalipaataannullu naapertuutissapput. Silataat qisuussapput. Qaliaat qisunnik issoqqaarissuaqqanik imaluunniit pappialarsuarnik qallersimassapput. Umiarsualiveqarnermi sunngiffimmilu atugassat pilersinneqarsinnaapput avatangiisinut eriagisassanut akornutaassanngikkunik. Sissami kujammut kimmut sammisumi pilattoqarsinnaavoq.

Illoqarfiup ilaata tamatuma kuuffilersorneqarnissaa naatsorsuutigineqanngilaq. Ukiut kaajallallugu erngup aqqutai nunap iluatigoortinneqarsinnaapput aqqutit assaanneqareerneranni nuna iluarsaqqinneqarsinnaassappat.

Illoqarfiup ilaa tamanna immikkut eriagisassatut toqqagaavoq (§2-mi taasat), kiisalu Nalunaarut nr. 31, 30. oktober 1991-imeersumi § 2 innersuussutigineqarluni. a id="LINK114550001014458" title="@LINKTITLE114550001014458@" href="/" target="_blank">Uani aaguk Lundip Aqqutaata aammalu Aratip Aqqutaata akornanni nuna allanngortinneqassanngilaq. Taakkununnga ilaapput ujarassuit tamarmik, aamma Kiinarsivasik kiisalu ujaraq eqqaassutissaq B 2-ip saaniittoq.. Nunaminertat atorneqanngitsut pissusitoqqamissut itsiinnarneqassapput.

Illoqarfiup ilaa tamanna siunissami mittarfissamut mikkiartortarfiup tingisarfiullu nalaatigoorpoq.