Nanortalik

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Inuussutissarsiorfik / inuussutissarsiutit tamalaat inissiartallit

Tamaaniipput inuussutissarsiutit tamalaat - inissarsiuussisarfik, innaallagisserivik, sanaartortitsivik kiisalu akunnittarfik - ataasiakkaanik inissiartallit.

7,1 ha missaanniittoq. Sulliviit alliffissaqarput. Sanaartovfigineqanngitsoq: 3,4 ha.

Illoqarfiup ilaa tamanna marlunnik quleriillit tikillugit portussusilinnik 10 aamma 30 gradit akornanni uinganilinnik qalialinnik sanaartorfiusinnaavoq. Illut toqqavimminni nunap pukkinnerpaaffianiit 10 meterinit portunerussanngillat. Silataat betonimik, qisummik imaluunniit savimminernik assigisaannilluunniit qalliuteqassapput. Qaliaat pappialarsuarnik saviminermilluunniit qallersimassapput. Nateq 50m2-iugaangat biilinut unittarfik ataasiussassaaq. Akuersissummik tunisisoqarsinnaatinnagu suliffeqarfiit pujuliornerat, nipiliornerat tipiliornerallu Namminersornerullutik Oqartussat nalunaarutaat nr. 11, 20. augut 2004-imeersoq naapertorlugu naliliivigineqartassapput.

Qujanartip aqqutaanut, Mathiesenip aqqutaanut kiisalu Isuanut aqqusineqarpoq. Kuuffiit ukiorlu naallugu imeq Isua atorlugu aqqutinut atassuserneqarsinnaapput. Illut ukioq naallugu imermut kuuffinnullu atassuserneqassapput. Illulli kuuffinniiit 50 meterinit ungasinnerusumiittut imermik eqqiarnermi igaffimmilu atorsimasumik kusserngit atorlugit imaanut aniatitsisinnaapput; anartarfiilli imaat tankinut imaartakkanut katersorneqartassallutik.

Tamatuma ilaa killilersuiffigisaavoq qulimiguullit mikkiartortarfiata nalaaniikkami kiisalu nalunaarasuarnermi atortorissaaruteqarfiit asseqqusaanngitsut nalaanniikkami.