Nanortalik

Najugaqarfiit

Inissialiornerit akulikitsut pukkitsullu

Inissiaqarfik / ammasut pukkitsut

Tunuliaritseq atuarlugu ilaqutariit illui ataasiakkaat sanaartorneqarsimapput kiisalu Isafjordurip Aqqutaa atorlugu uigulukuttut ilaqutariillu illui ataasiakkaat sanaartorneqarsimallutik.

Illoqarfiit ilaat taakku 11,4 ha missaannik annertussuseqarput, 2011-imilu affaat sanaartorfigineqarsimallutik, sinnerussarlu inissianut 50-inut inissaqarpoq.

Illut ataasiakkaat affarleriillu kiisalu inissiat marluk tikillugit quleriillit. Taamaattorli niuertarfiit anginngitsut, sullissiveqarfiit sanaartukkalluunniit allat tamaani atugassiat sananeqarsinnaapput. Illut sissamut aammalu avannamut kimmullu qaqqaliarfissanut assiuttussaajunnaarlugit sananeqassapput. Illumut ataatsimut biilit uninngasarfiat ataasiusassaaq. Ataatsimut atugassiat eqqarsaatigalugit quleriilinni natip annertussusia 50m2-iugaangat minnerpaamik ataatsimik biilinut uninngasarfeqartassaaq.

Tamanna aqqusineq Tunuliaritseq atorlugu tikinneqarsinnaavoq. Illoqarfiup ilaa tamanna namminerisaminik eqqakkanut kuuffeqarpoq Tunuliaritsip imaanut aniaffilimmik. Imeq innaallagiarlu aqqusineq Tunuliaritseq atuarlugu aqquteqarput. Sanaartukkat imermut kuuffinnullu attavilerneqassapput.

Ujarassuit tamaaniittut sapinngisamik allanngortinneqartassanngillat.. Pinnguariartarfissaq 400m² sanaartorfigineqassanngilaq. Sissaq atuarlugu 20 meterinik atitussusilik sanaartorfigineqassanngilaq.

Illoqarfiup ilaa tamanna avannamut kimmut imeqarfiup eqqaani sanaartorfigeqqusaanngitsumut killeqarpoq. Sanaartorfigeqqusaanngitsut iluini illut marluk imermut, aqqusinermut kuuffinnullu tamaaniittunut attaveqarput. Illoqarfiup ilaa tamanna siunissami mittarfissami mikkiartortarfiup tingisarfiullu iluaniippoq.