Nanortalik

Najugaqarfiit

Akuttunerusunik pukkitsunik inissialiornerit

Inissiaqarfik - quleriillit, uigulukuttut, affarleriit ataasiakkaallu

Tunuliaritsip kitaa quleriilinnik sanaartorfigineqarsimavoq, Tunuliaritsillu kangiata tungaa ataasiakkaanik affarleriinnillu ilaqutariinnut illuliorfiusimalluini.

Illoqarfiup ilaa tamanna 6,8 ha missaannik annertussuseqarpoq. Illunik ingutserinikkut aatsaat sanaartorfissanik nutaanik pilersitsisoqarsinnaavoq.

Tamaani angerlarsimaffiit saniatigut sullissiviit, niuertarfiit ataasiakkaat aammalu angerlarsimaffiutigalutik inuussutissarsiutinik ingerlatsiviit ataasiakkaat akuerineqarsinnaapput. Tunuliaritsip kitaa quleriilinnik uigulukuttunillu pingasut tikillugit quleriilinnik sanaffigineqarsinnaavoq, Tunuliaritsilu kangiata tungaa ilaqutariit illuinik ataasiakkaanik affarleriinnillu 1½-inik quleriilinnik sanaffigineqarsinnaalluni. Illut silataat siuussapput krydsfineriussallutilluunniit, qaliaallu pappialarsuarnik qallerneqarsimassallutik. Sissap eqqaa atorneqanngitsoq tikinneqariaannanngorlugu illut inissitsitserneqassapput. Illut eqqaat taseqqertussaajunnaarlugit suliarineqassapput. Quleriilinni uigulukuttunilu inissiat sisamaagaangata, imaluunniit illumut ataatsimut, biilit unittarfiat minnerpaamik ataasiusassaaq. Ataatsimut atugassiani natit 50m2-iugaangata biilinut inissittarfik ataasiusassaaq.

Tunuliaritsimut aqquteqarpoq. Tamaani kuuffeqarlunilu imeqarpoq. Sanaartukkat kuuffinnut imermullu attavilerneqassapput. Imeq nunap qaatigoortoq kussinertigut Tunuliaritsip imaanut ingerlatinneqassaaq.

Tunuliaritsimi 400m² missaanniittumik pinnguartarfeqarpoq. Sissap eqqaa 20 meterinik atitussusilik sanaartorfigineqassanngilaq.

Tamatuma kitaata tungaa imeqarfimmut killilersuiffigisaasumut ataneqarpoq. Nuna tamanna siunissami mittarfissamut mikkiartortarfiup tingisarfiullu nalaaniippoq.