Nanortalik

Najugaqarfiit

Quleriinnik initalinnik inissialiorneq

Inissiaqarfik / eqimmattut pukkitsut

Tamaaniipput annermik quleriillit, uigulukuttut kiisalu illut ataasiakkaat kiisalu niuertarfiit.

5,8 ha missaannik annertussuseqarpoq. Illunut arfinillit missaannut inissaqarpoq kiisalu B-514-ip aammalu B-587-ip ingutsernerisigut allamik inissaqarluni.

Illut saniatigut sullissiviit ataasiakkaat, soorlu niuertarfiit, tamaani akuerineqarsinnaapput. Qaliat 10 gr aamma 20 gr akornanni uinganeqassapput. Iikkat silataat qisuussapput imaluunniit krydsfineriussallutik, qalipaataallu illunut allanut naleqqussarsimassallutik. Qaliat qaavi pappialarsuaassapput saviminiussallutilluuniit. Pingaartumik quleriillit uigulukuttullu eqqaanni inissianut marlunnut biilit unittarfiat ataasiusassaaq, kiisalu sullissiviit niuertarfiillu natii 50m2-iugaangata atuisut biilinut unittarfik ataasiusassalluni.

Illoqarfiup ilaa tamanna aqqusinernit Nannup Aqq., Chemnitzip Aqq., aammalu Roskildip Aqqutaanit avatangerneqarsimavoq. Erngup aqqutaa kuuffillu tamatuma qeqqatigoorpoq sanaartukkallu nutaat tassunga atassuserneqassallutik. Illut kuuffilersugaanngitsut piffissap ingerlanerani kuuffilersorneqassapput. Imeq nunap qaatigoortoq kussinertigut umiarsualiviup kangerluanut ingerlatinneqassaaq.

B-997-ip Ilivillullu akornanni nunaminertat aammalu Roskildip Aqqutaata eqqaani nunaannaat sukisaarsaartarfittut pinnguartarfiliorfiusinnaasutut allatullu atorneqarsinnaasutut taamaaginnartinneqassapput.

Tamanna siunissami siunissami mittarfissamut mikkiartortarfiup tingisarfiullu nalaaniippoq.