Nanortalik

Najugaqarfiit

Inissialiornerit akulikitsut pukkitsullu

Inissiaqarfik / Inissialiorfigineqarsinnaasoq ammasoq. Ataatsimut atugassatut ilannguteriikkat: politeeqarfik inuussutissarsiutinullu ilinniarfik.

Inissialiornerup saniatigut tamaaniipput politeeqarfik aammalu inuussutissarsiutinut ilinniarfik

Sinnerussaq 4,2 ha missaanniippoq. 2007-2009-imi Tuapammiut eqqaanni ingutserisoqarpoq. Ingutsereqqinnikkut sanaartorfissaq suli annerulersinnaavoq.

Inissianut atasunik anginngitsunik sullissiviusunik suliffeqarfiliortoqarsinnaavoq, soorlu niuertarfiit anginngitsut, nujaleriviit assigisaallu. Niuertarfiit inuussutissarsiorfiillu maaniinaq ilioraaveqassanngillat inissiaqarfinnulluunniit eqqaminniittunut akornutaassanatik. 1½-init amerlanerusunik quleriilinnik sanasoqassanngilaq. Qaliat 15 gradit sinnerlugit uinganeqassapput. Illumut ataatsimut minnerpaamik ataatsimik biilinut uninngasarfiliortoqassaaq. Ataatsimoorussat eqqarsaatigalugit quleriilinni natimut 50m2-mut biilinut unittarfik minnerpaamik ataasiusassaaq.

Tamanna Roskildip aqqutaa aammalu Isua aqqutigalugu tikinneqarsinnaavoq. Tamatuma ilarujussua kuuffilersugaavoq. Imeq atorsimasoq kusserngit atuarlugit imaanut imaluunniit imermik eqiterivinnut ingerlanneqartarpoq. Anartarfiit erngat tankinut imaartakkanut katersorneqartarpoq. Illuliat nutaat imermut kuuffinnullu attavilerneqassapput.