Igaliku

Teknikkimut atortulersuutit attaveqaatillu

Teknikkimut atortut

Immikkut atugassiaq - Teknikkikkut atortoqarfik. Nunaqarfiup ilaa tamanna taamaallaat innaallagissiorfimmut sulianullu tassunga atasunut atugassiaavoq.

Tamaaniippoq nunaqarfiup innaallagissiorfia, kiisalu biilit inissittarfiat toqqorsivillu.

0,3 ha.

Innaallagissiorfiup alliffigisinnaasaa inniminneriigaq atorneqassanngilaq.

Sumiiffik nalunaarummi allatigut kulturikkut eriagisassat pillugit Namminersorlutik Oqartussat nalunaarutaat nr. 16, 5. juuli 2016-imeersumi ilaavoq, aamma sanaassat nutaat sammisaqartitsinerillu malittarisassanut akerliussanngillat. Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput. Nunaminertaq atorneqanngitsoq akuerineqarsimatinnani ikuallaavimmi atortussanik ilioqqaavigineqassanngilaq.

Tankeqarfiit 20 meterinik avaqqullugit isumannaallisaaviupput. Isumannaallisaaviit iluini sanaartortoqassanngilaq.