Igaliku

Sanaartorfigeqqusaanngitsut sunngiffimmilu sammisassaqartitsiviit

Nunaminertat sanaartorfiunngitsut

Sanaartorfissaanngitsoq - Ataatsimoorussat, sanaartorfik narsaatillu Piffik tamanna immikkut eriagisarialittut toqqarneqassaaq. Sanaartukkat pissusiat immikkuullarissusiallu allanngortinneqassanngilaq. piffik tamanna illunut tamaaneereersunut annermik naatsorsuussaavoq, siunissamilu nunaqarfimmi ataatsimoorussassaqarfittut isigineqarluni. Tamatumani eqqarsaatigineqarput biskoppeqarfik pillugu aammalu Eriup Aappalaartup Kalaallit Nunaanni nunagilersimasaa pillugu takornarianut paasissutissiisarfik.

Taamaaniippoq Igalikup pisoqaanersaa immikkuullarissunik ujaqqanik qarmakkanik illulik, aamma oqaluffik ilanngullugu.

Piffik tamanna 37 ha-it missaannik annertussuseqarpoq.

Illut pioreersut taamaallaat najugaqarfittut inunnillu sullissiveqarfittut (paaqqinnittarfiit allallu) atorneqassapput. Illut eriagisassat massakkut isikkuat ilusaallu allanngortinneqassanngilaq. Sanaartukkat nutaat sanaartorfissap iluani sananeqassapput, taannalu piffik pillugu aalajangersakkami sukumiisumi aalajangersarneqassaaq. Sanaartukkat nutaat ilusilersugaanermikkut, sananeqaatimikkut qalipaatimikkullu sanaartukkanut pioreersunut naleqqussarneqassapput.

Illualiat nutaat ajornanngippat innaallagissamut imermullu atassuserneqarsimassapput. Taamaani aqqusineeqqiortoqarsinnaavoq, taakku tamatumani nunap pissusia naapertorlugu sukkoornissaat qanorlu suliarineqarnissaat aalajangerneqassaaq.

Sumiiffik nalunaarummi allatigut kulturikkut eriagisassat pillugit Namminersorlutik Oqartussat nalunaarutaat nr. 16, 5. juuli 2016-imeersumi ilaavoq, aamma sanaassat nutaat sammisaqartitsinerillu malittarisassanut akerliussanngillat Huse med særlig kulturarvsbeskyttelse, se listen her. Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput.. Sanaartorfiusimanngitsut kommunalbestyrelsip akuersineratigut naatitsivittut atorneqarsinnaapput. Nunaminertat sinneri pissusitoqqamissut itsiinnarneqassapput. Piffik tamanna Teknikkimut ataatsimiititaliaq akuersisimatinnagu atortussanik maskiinanilluunniit ilioqqaaviussanngilaq.

Tamanna immikkut mianerisariaqarpoq imeqarfiup avataani erngup katersuuffigisarmagu.