Igaliku

Inuussutissarsiornermut atorneqartut umiarsualiveqarfiillu

Sumiiffiit inuussutissarsiornermut atorneqartut

Inuussutissarsiorfik - Inuussutissarsiutit assigiinngitsut. Nunaqarfiup ilaa tamanna inuussutissarsiorfissatut annermik atugassiaavoq, pingaartumik savaateqarnermi atortussanik sanaartorfissiaalluni. Aammattaaq naatitsivittut atorneqarsinnaavoq imaluunniit pissutsimisut iinnartussiaatinneqarsinnaalluni.

Nunaqarfiup ilaa tamanan 53 ha missaannik annertussuseqarpoq 50 ha missaallu sinnerussaalluni.

Sanaartukkat nutaat tamaannga aalajangersakkat sukumiinerusut naapertorlugit sananeqassapput. Sanaartukkat sanaartukkanut pioreersunut naleqqussarneqassapput.

Illut nutaat ajornanngippat innaallagissamut imermullu atassuserneqassapput.

Sumiiffik nalunaarummi allatigut kulturikkut eriagisassat pillugit Namminersorlutik Oqartussat nalunaarutaat nr. 16, 5. juuli 2016-imeersumi ilaavoq, aamma sanaassat nutaat sammisaqartitsinerillu malittarisassanutbr>akerliussanngillat Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput.. Akuersisoqarsimatinnagu ilioqqaasoqassanngilaq.