Nunaannaq

Teknikkimut atortulersuutit

Teknikkikkut atortulersuinerit

a) Nuna tamanna erngup nukinganik sarfaliorfissatut tassungalu atasunik atortorissaaruteqarfissatut immikkoortitaavoq. b) Erngup nukinganik innaallagissiorfimmut atasunik ukioq kaajallallugu najugaqarfiliiortoqarsinnaavoq, stationiliortoqarsinnaalluni, tammaarfiliortoqarsinnaalluni kiisalu assigisaanik sanaartortoqarsinnaalluni. c) Illuaraliortoqarsinnaanngilaq, aasarsiortarfiliortoqarsinnaanani, takornarianut illuaraliortoqarsinnaanani d) Erngup nukinganik innaallagissiorfiup tasertaata timaani teknikkikkut atortorissaaruteqarfiit ingalallugit ataasiakkaanik piniariartarfiliortoqarsinnaavoq oqqittarfiliortoqarsinnaallunilu.

Tamaaniippoq Qorlortorsuarmi erngup nukinganik nukissiorfik innaallagissiorfittalik, sapusialik sarfamut aqqutilik, kiisalu savaateqarfimmut M34-imut killilik.

Sinnerussaq pillugu immikkut piumasaqaateqanngilaq.

Sumiiffimmi ataani sanaartukkanik sulianillu pilersitsisoqarsinnaatitsisoqarpoq, takuuk immikkoortumi VVM-imut nalunaarusiami avatangiisinillu akuersissummi erseqqinnerusumik suliarinninneq. a. Nutaamik katersuisarfiliornissamut qooroq apummit iminngortup aqqutigisartagaa akimorlugu sapusiaq. b. Nukissiorfimmut erngup nukissiornissamut katersuisarfioreersumut (Ammaqqup Tasianut) nutaamik katersuisarfimmit sumiiffiit marluk kuuffeqarfiannik aqqusaarisumik nuussisarfittut sulluliaq. c. Umiarsualivimmik sanaartornermut atortussianik atortuutinillu nunniffimmik allisaqarsinnaaneq/nukittorsaasinnaaneq.

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni kiisalu qulimiguulinnut mittarfiliortoqarsinnaalluni. b) Tamaani sanaartukkanut atortorissaaruteqarfinnullu atasunik aqquserniortoqarsinnaavoq, biilinut ingerlaarfiliortoqarsinnaalluni pisuinnarnullu aqquserniortoqarsinnaalluni. c) Tamaani atugassanik innaallagissamik, imermut, nalunaarasuarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni.

Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput..