Nunaannaq

Nersutaateqarfiit naatitsiveqarfiillu

Nunalerineq

a) Nuna tamanna sanaartorfissatut, atortorissaarusiorfissatut allanullu savaateqarnermut, nunalerinermut, naatsiiveqarnermut, orpippassualerinermut allanullu tunngasutigut annertuumik atuiffissatut taakkununngalu attuumassuteqartunut nunaminertanut immikkoortitaavoq. Atorneqarfissaanut pingaarnernut atasunik takornarianik sullissinermut atugassanik, soorlu illuaqqanik, tuperfinnik, perusuersartarfinnik assigisaanillu pilersitsisoqarsinnaavoq. b) Immikkoortumi a-mi taaneqartut saniatigut inuussutissarsiutinik allanik pilersitsisoqarsinnaanngilaq. c) Inuussutissarsiummut atasumik ukioq kaajallallugu ineqarfiliortoqarsinnaavoq. d) Killilimmik illuaraliortoqarsinnaavoq aasarsiortarfiliortoqarsinnaallunilu kiisalu piniariartarfiliortoqarsinnaalluni oqqiffiliortoqarsinnaallunilu taakku amerlassutsimikkut tamatuma atorneqarnerani siunertanik allanngortitsissanngippata. e) Annertussutsimikkut tamatuma atorneqarnerani siunertaasunik allanngortitsissanngippata sanaartukkanut atasunik ikaaliortoqarsinnaavoq, pujooriviliortoqarsinnaalluni assigisaannillu annikinnerusunik sanaartortoqarsinnaalluni.

a) Nunaminertap sinnera pillugu immikkut piumasaqaateqartoqanngilaq.

a) Nr. 1a naapertorlugu sanaartukkat illuaqqamut sanaartukkamullu qaninnerpaamut minnerpaamik 60 meterinik ungasissuseqassapput. b) Illuaqqat illuaqqamut sanaartukkamulluunniit allamut qaninnerpaamut minnerpaamik 60 meterinik ungasissuseqassapput.

a) Tamaani talittarfiliortoqarsinnaavoq umiarsualivissinnermulluunniit tunngasunik allanik sanasoqarsinnaalluni. b) Nr. 1a naapertorlugu sanaartukkanut, atortoqarfinnut allatulluunniit nunaminertamik annertuumik atuinermut atatillugu aqquserniortoqarsinnaavoq, biilinut ingerlaviliortoqarsinnaalluni imaluuniit pisuinnarnut aqqusiniliortoqarsinnaalluni, tamakkulu kikkunnilluunniit atorneqarsinnaassapput. c) Tamaani pilersuinermi atugassanik innaallagissiorfiliortoqarsinnaavoq, imeqarfiliortoqarsinnaalluni, kiassaateqarfiliortoqarsinnaalluni kuuffiliortoqarsinnaallunilu. Naalakkersuisut aatsaat akuersiseqqaarlugit imermik eqiteriffissanik kuuffiillu aniaffissaannik kiisalu nukissiutinik annerusunik sanasoqarsinnaavoq. d) Sanaartukkanut atasunik annikinnerusunik innaallagissiorfiliortoqarsinnaavoq, imeqarfiliortoqarsinnaalluni kiassaateqarfiliortoqarsinnaallunilu, soorlu innaallagissiutinik, imermik nukissiutinik kiisalu seqinermut nukissiutinik allanilluunniit nukissiornermut atortunik.

Aaqqissugaanermi pingaarnermi Kulturimut kingornutassiat ataanni nunaminertat UNESCO-kkut eriagisassanngortitat taakkulu eqqaanni isumannaallisaaviit pillugit allaaserisat sukumiinerusut innersuussutigineqarput..