Nunaannaq

Nersutaateqarfiit naatitsiveqarfiillu

Nunalerineq

a) Nuna tamanna savaateqarnermut, nunalerinermut, naatsiivilerinermut, orpippassualerinermut allanullu nunaminertanut taakkununnga attuumassuteqartumik sanaartorfissatut atortorissaarusiorfissatullu kiisalu annertuumik atuiffissatut immikkoortitaavoq. Atorneqarfissaanut pingaarnernut atasunik takornariat sullinneqarnerinut atortussanik sanasoqarsinnnaavoq, soorlu illuaqqanik, tupersimaffinnik, eqqiarfissanik allanillu. b) Immikkoortoq a-mi taaneqartut saniatigut inuussutissarsiutinik allanik pilersitsisoqarsinnaanngilaq. c) Inuussutissarsiummut atasumik ukioq kaajallallugu najugaqarfiliortoqarsinnaavoq. d) Sananeqartut amerlassusii pissutigalugit nunap tamatuma atorneqarnissaanut siunertat pingaarnerit allanngortinneqassanngppata illuaraliortoqarsinnaavoq, aasarsiortarfiliortoqarsinnaalluni kiisalu piniariartarfiliortoqarsinnaalluni oqqittarfiliortoqarsinnaallunilu. e) Sananeqartussat annertussusii pissutigalugit tamatuma atorneqarnissaanut siunertat allanngortinneqassanngippata sanilerisallu pisariaqanngitsumik akornusersorneqassanngippata sanaartukkanut atasunik ikaaliortoqarsinnaavoq, pujooriviliortoqarsinnaalluni, naatsiiviliortoqarsinnaalluni annikinnerusunillu atortulersuisoqarsinnaalluni.

2016-imi tamaani savaateqarfeqanngilaq imaluunniit inuussutissarsiummik ingerlataqartoqarani, taamalu atorneqanngilaq. Nunaminertamik atugassanngortitsisoqarneratigut illuliortoqarlunilu narsaasiortoqarsinnaavoq.

a) Nunaminertap sinnera pillugu immikkut piumasaqaateqanngilaq

a) Nr. 1a naapertorlugu sananeqartut Illuaqqat illuaqqamut sanaartukkamulluunniit allamut qaninnerpaamut minnerpaamik 60 meterinik ungasissuseqartassapput. b) Illuaqqat minnerpaamut illuaqqamut sanaartukkamulluunniit allamut qaninnermut minnerpaamik 60 meterinik ungasissuseqartillugit sananeqartassapput

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni. b) Nr. 1a naapertorlugu sanaartukkanut, atortorissaaruteqarfinnut allatulluunniit nunaminertamik annertuumik atuinermut atasumik aqquserniortoqarsinnaavoq, biilinut ingerlaarfiliortoqarsinnaalluni pisuinnarnullu aqquserniortoqarsinnaalluni. Taakku kikkunnilluunniit atorneqarsinnaasassapput. c) Tamaani atugassanik innaallagissamik, imermut, kiassarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Sanaartukkanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat.

Illut nunap assingani nigaliup iluani inissinneqassasut naatsorsuutigineqarpoq, taavalu nunap pissusia naapertorlugu tamaani narsaasioqartoqarsinnaavoq (aamma nigaliup avataani). Illuliorniaraanni narsaasiorniaraanilu nunaminertamik qinnuteqartariaqarpoq