Nunaannaq

Nersutaateqarfiit naatitsiveqarfiillu

Nunalerineq

a) Savaateqarfinnut, nunaateqarfinnut imaani atugassanut, orpippassuaqarfissanut il. il. nunaminertallu toqqaannartumik attuumassuteqartussanut tunngatillugu sumiiffiup pingarnertut atorneqarnissaa eqqarsaatigalugu siunertaa tassaavoq sanaartorfigissallugu, illuliorfigissallugu aammalu nunaminertamik annertuumik atuiffigissallugu. Pingaarnertut atuinermi takornarianik kiffartussinermi init atortullu aaqqissorneqarsinnaapput, assersuutigalugu illuaqqat toqqit, peqqinnissamutv atortut il. il. b) litra a.-mi taaneqartut saniatigut inuussutissarsiutit allat pilersinneqarsinnaanngillat. c) Inuussutissarsiutigalugu suliffeqarfimmut atatillugu ukioq naallugu najugaqarfissamik pilersitsisoqarsinnavoq. d) Sunngiffimmi illuaqqanik, aasarsiortarfinnik kiisalu illuaqqanik piniariartarfinnik aamma aniguiniarluni illuaqqanik aniguiffissianik killilimmik pilersitsisoqarsinnaavoq, taamaallaat taakku amerlassusaat sumiiffiup pingaarnertut atorneqarnissaanut allannguinngippata. e) Sanaartortuinermut atatillugu sumiiffiup pingaarnertut atorneqarnissanut allannguinngippata panersiivinnik, pujoorivinnik, naatsiivinnik imaluunniit illulianik minnerusunik sanasoqarsinnaavoq.

a) Sanaartorfissatigut sinneruttunut immikkut piumasaqaateqartoqanngilaq.

a) Sanaartugassat illuliassallu, najoqq. nr. 1a, illuaqqamut imaluunniit sanaartorfigineqartumut allamut qaninnerpaamut minnerpaamik 60 meterinik ungasitsigisumi suliarineqassapput. b) Illuaqqat illuaqqamut imaluunniit sanaartorfigineqartumut allamut qaninnerpaamut minnerpaamik 60 meterinik ungasitsigisumi suliarineqassapput.

a) Tulattarfiliortoqarsinnaavoq imaluunniit sumiiffimmi arlaatigut umiarsualiviliortoqarsinnaalluni. b) Sanaartugassanut illuliassanut allanullu nunaminertamik annertuumik atuisoqartillugu aqqusinniortoqarsinnaavoq, qamutinut aqqutissiortoqarsinnaalluni inuinnarnulluunniit aqqusiortoqarsinnaalluni, najoqq. nr. 1a. Aqquserngit, qamutinut aqqutit inuinnaallu aqqutaat tamanit atorneqarsinaanngortitaassapput. c) Sumiiffimmi teknikkikkut atortunik innaallagissamik, imermik, kiassarnermik kuuffinnillu pilersuisussanik pilersitsisoqarsinnaavoq. Imeqarfiliorneq erngullu maangaannartup aqqutissaanik kiisalu nukissiuteqarnermik pilersuiffimmik annerusumik pilersitsiniaraanni Naalakkersuisunit akuersissummik peqqaarluni pilersitsisoqarsinnaavoq. d) Sanaartukkamut attuumassutilinnik teknikkikkut atortunik minnernik innaallagissamik, imermik kiassarnermillu pilersuisussanik pilersitsisoqarsinnaavoq, soorlu assersuutigalugu sarfaliuutinik, imermit nukissiorfinnik, seqernup qinngornerinik sarfaliuutinik imaluunniit atortunik allanik nukissiortussanik.