Nunaannaq

Sammisassaqartitsivissatut pingaaruteqartut

a) Nuna tamanna atuartut aallaarsimaartarfiata illutassaanik atortorissaaruteqarfissaanillu sanaartorfissatut immikkoortitaavoq. b) Panersiiviliortoqarsinnaavoq, pujooriviliortoqarsinnaalluni, naatsiiviliortoqarsinnaalluni kiisalu atuartut aallaarsimaartarfiannut atasunik annikinnerusunik sanaartortoqarsinnaalluni, tamakkuli nunap tamatuma pingaarnerusumik atorneqarneranut allannguutaassanngillat.

Nuna tamanna sanaartorfigineqarsimanngilaq, 2010-mli nunaminertamik atugassanngortitsisoqarpoq kiisalu atuartut aallaarsimaartarfiannik sananissamut akuersissummik 2011-imi tunniussisoqarsimalluni.

a) Nunaminertaq tamanna katilluni 7 ha-nik annertussuseqarpoq. b) Nunaminertap sinnera pillugu immikkut piumasaqaateqartoqanngilaq.

a) Nunamiit annerpaamik 8 meterinik portussusilinnik 1½ tikillugit quleriilinnik illuliortoqarsinnaavoq. b) Sanaartukkat atortorissaaruteqarfiillu allat avatangiisiminnut takussunarsaataaqqunagit ingerlaavartumik aserfallatsaalineqartassapput c) Illut qaliaat innaallu qillertunik qalliuserneqassanngillat. d) Nutaamik illuliorfiit sinerissap eqqaaniit imaluunniit immap sinaaniit qaninnerpaamik 50 meter-inik inissinneqassanngillat

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni. b) Nr. 1a naapertorlugu sanaartukkanut, atortorissaaruteqarfinnut allatulluunniit nunaminertamik annertuumik atuinermut atasumik aqquserniortoqarsinnaavoq, biilinut ingerlaarfiliortoqarsinnaalluni pisuinnarnullu aqquserniortoqarsinnaalluni. Taakku kikkunnilluunniit atorneqarsinnaasassapput. c) Tamaani atugassanik innaallagissamik, imermut, kiassarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Atuartut aallaarsimaartarfiannut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat.

Qanganitsat (illukut) tamaaniittut ataqqineqassapput.