Nunaannaq

Sammisassaqartitsivissatut pingaaruteqartut

a) Nuna tamanna atuartut aallaarsimaartarfiata illutaanik atortorissaaruteqarfiinillu sanaffissatut immikkoortitaavoq. b) Tamatuma atorneqarneranut allannguutaanngitsumik atuartut aallaarsimaartarfiannut atasunik panersiiviliortoqarsinnaavoq, pujooriliortoqarsinnaalluni, naatsiiviliortoqarsinnaalluni allanillu annikinnerusunik atortorissaaruteqarfiliortoqarsinnaalluni.

Tamaani ippoq atuartut aallaarsimaartarfiat ataatsimik 200 m2-iusumik illutalik.

a) Nunaminertaq katilluni 2 ha missaannik annertussuseqarpoq. b) 200 m2 missaannik angissusilimmik suli sanaartorfissaqarpoq.

a) Katillugit toqqavimmigut 400 m2-inik angissusilimmik 1½ tikillugit quleriilimmik sanaartortoqarsinnaavoq. b) Sanaartukkat atortorissaaruteqarfiillu avatangiisiminnut takussunarsaataasussaajunnaarlugit tamarmik ingerlaavartumik aserfallatsaalineqassapput c) Qalikat illullu innaat qillertunik qalliuserneqassanngillat.

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni. b) Sanaartukkanut, atortorissaaruteqarfinnut allatulluunniit nunaminertamik annertuumik atuinermut atasumik aqquserniortoqarsinnaavoq, biilinut ingerlaarfiliortoqarsinnaalluni pisuinnarnullu aqquserniortoqarsinnaalluni. Taakku kikkunnilluunniit atorneqarsinnaasassapput. c) Tamaani atugassanik innaallagissamik, imermut, kiassarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Atuartut aallaarsimaartarfiannut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat.