Nunaannaq

Sammisassaqartitsivissatut pingaaruteqartut

a) Nuna tamanna illunut sanaartukkanullu sunngiffimmi takornariartitsinermilu atugassanut, soorlu atuartut aallaarsimaartarfiinut, ilinniartitsinermi atugassanut, feeriarfissanut assigisaannullu immikkkoortitaavoq. b) Nunap tamatuma atorneqarneqarneranut pingaarnermut allannguutaasussaanngitsumik sanaartukkanut pioreersunut atasunik panersiiviliortoqarsinnaavoq, pujooriviliortoqarsinnaalluni, naatsiiviliortoqarsinnaalluni annikinnerusunillu allanik sanaartortoqarsinnaalluni.

Nuna tamanna nunaqarfiusimagaluarpoq 2011-imilu illut marluinnaat inigineqarlutik. 1900 tikillugu nunaqarfik qatanngutigiinniat ajoqersuiffigaat kulturikkulu eriagisassarpassuarnik peqarami ataatsimut isigalugu allanngutsaaliugassaqqissuulluni.

a) Nuna tamanna ataatsimut 2 ha-nik annertussuseqartutut missingerneqarpoq. b) Atorneqanngitsoqanngilaq.

a) Tamaani nutaanik illuliortoqarsinnaanngilaq. b) Illut pioreersut killilimmik allineqarsinnaapput, alliliisoqassappallu illut eqqissisitaaneri eriagisassaaneriluunniit ataqqineqassapput. c) Illut sanaartukkallu tamarmik avatangiisiminnut pisariaqanngitsumik takussunarsaataaqqunagit aserfallatsaalineqartuassapput.

a) Tamaani talittarfiliortoqarsinnaavoq allatulluunniit umiarsualivissittarfiliortoqarsinnaalluni. b) Nunap tamatuma eriagisassaanera ataqqillugu illiut tungaannut biilinut ingerlaarfiliortoqarsinnaavoq aqqusineeraliortoqarsinnaalluniluunniit. c) Tamaani atugassanik innaallagissamik, imermut, kiassarnermut kuuffeqarnermullu atortorissaarusiortoqarsinnaavoq. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Sanaartukkanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, seqinermik nukissiutit nukissiutilluunniit allat e) Atortorissaarutit nr. c aamma d-mi taaneqartut nipiliornermikkut, pujuliornermikkut, tipiliornermikkut, sajukulaartitsinermikkut allatigulluunniit sanilerisanut ajoqutaasussaajunnaarlugit sananeqassapput.

a) B-91 (palasip illorsua), B-93 (qui) aammalu B-95 (savaasivik) allanngutsaaliugaapput allanngutsaaliinermilu aalajangersakkat naapertorlugit paarineqassallutik. b) B-863, B-864 aammalu B-865 eriagisassaapput silatimikkullu isikkui allanngortinneqassanatik. c) Sanaartukkat tamarmik kiisalu naatsiiviit aammalu nunaminertat atorneqanngitsut allanngutsaaliorneqassapput. Nalunaarsuisoq naapertorlugu allanngutsaaliuinermut pilersaarut atorsinnaajunnaarsimammat pilersaarummik pisariunnginnerusumik maannamut atorsimasup imarisaanik pingaarutilinnik imaqartumik sanasoqartariaqarpoq..