Nunaannaq

Sammisassaqartitsivissatut pingaaruteqartut

a) Nuna tamanna annermik sunngiffimmi takornariartitsinermilu atugassanik sanaartorfissiaavoq, soorlu takornariat illuaraannik, tuperfissanik, uumasuuteqarfinnik, sammisaqartitsivissanik, pisuttuarfissanik hiisterfissanillu kiisalu sunngiffimmi takornariartitsinermilu sammisaqarfissanik allanik. b) Nunap tamatuma atorneqarneranut allanngutaanngitsumik, tak. imm. a), killimmik sunngiffimmi atugassanik illuaraliortoqarsinnaavoq annerpaamik 20 m2-inik angissusilinnik kiisalu piniariartarfiliortoqarsinnaalluni oqqittarfiliortoqarsinnaallunilu. c) Tamatuma atorneqarneranut allannguutaassanngppat panersiiviliortoqarsinnaavoq, pujooriliviliortoqarsinnaalluni, naatsiiviliortoqarsinnaalluni allanilluni annikinnerusunik atortorissaarusiortoqarsinnaalluni.

Nuna tamanna annerusumik sanaartorfigineqarsimanngilaq. Savaateqarfiusimasup sinnikui tamaaniipput.

a) Nuna tamanna 800 ha missaannik annertussuseqarpoq. b) Sinnerussamut immikkut piumasaqaateqanngilaq.

a) Illuaqqat sanaartukkallu allat illuaqqanut sanaartukkanulluunniit qaninnernut allanut minnerpaamik 30 meterinik ungasissuseqassapput. b) Sanaartukkat atortoqarfiillu tamarmik avatangiisiminnut takussunarsaataaqqunagit ingerlaavartumik aserfallatsaalineqassapput c) Illut qaliaat innaallu qillertunik qalliuserneqassanngillat.

a) Tamaanga talittarfiliortoqarsinnaavoq. b) Sanaartukkanut atortoqarfinnullu atasunik ujaraaralinnik aqquserniortoqarsinnaavoq, biilinut ingerlaarfiliortoqarsinnaalluni pisuinnarnulluunniit aqquserniortoqarsinnaalluni. c) Tamaani atugassanik innaallagissiorfiliortoqarsinnaavoq, imermut aqqusersuisoqarsinnaalluni kuuffiliortoqarsinnaallunilu. Naalakkersuisut aatsaat akuersiseqqaarlugit imermik katersuiffiliortoqarsinnaavoq aammalu kuuffinnut aniatitsiviliortoqarsinnaalluni kiisalu annerusumik nukissiornermi atortorissaarusiortoqarsinnaalluni. d) Sanaartukkanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat.