Nunaannaq

Illuaqqat, sunngiffimmi sammisassaqartitsiviit assigisaallu

a) Nuna tamanna illuaraliorfissatut aasarsiortarfiliorfissatullu immikkoortitaavoq b) Killilimmik takornariat illuaraat, piniariartarfiit illuaqqallu allat tamaani sananeqarsinnaapput amerlassusermikkut tamatuma pingaarnerusumik atorneqarneranut allannguutaassanngikkunik, tak. litra a. c) Tamatuma pingaarnerusumik atorneqarnissaanut allannguutaanngitsumik imaluunniit sanilerisanut akornutaanngitsumik illuaqqanut atasunik panersiiviliortoqarsinnaavoq, pujooriviliortoqarsinnaalluni aammalu annikinnerusunik atortorissaarusiortoqarsinnaalluni.

2016-imi tamanna pinngortitatut allanngortitaanngitsut ippoq ataasiakkaannguanik illuaraqarluni.

a) Nuna tamanna katilluni 20 ha missaannik annertussuseqarpoq b) Tamatumani tamarmi sanaartornermut aalajangersakkat malinneqarsimanerat apeqqutaalluni illuaraliorfiusinnaasut sinneruttut annertussusiat aalajangerneqassaaq.

a) Illuaqqat illuaqqamut qaninnermut minnerpaamik 60 meterinik ungasissuseqassapput. b) Illuaqqat annerpaamik 1½-inik quleriilerlugit sananeqassapput, tassa imaappoq atorneqartumik qaliaqarsinnaapput annerpaammik natermikkut 50m2-inik angissusilinnik. c) Illuaqqat toqqavii pukkinnerpaaffimmikkkut annerpaamik nunamiit 40 cm-iterinik portussuseqassapput. d) Illuaqqat avatangiisiminnut takussunarsaattaaqqunagit ingerlaavartumik aserfallatsaalineqassapput. e) Illuaqqat qaliaat innaallu qillertunik qalliuserneqassanngillat.

a) Ujaraaralinnik aqquserniortoqarsinnaavoq, biilinut ingerlaarfiliortoqarsinnaalluni, pisuinnarnut aqquserniortoqarsinnaalluni imaluunniit talittarfiliortoqarsinnaalluni. b) Illuaqqanut atasunik annikinnerusunik innaallagissiorfiliortoqarsinnaavoq, imeqarnermut atortulersuisoqarsinnaalluni kiassaateqarfiliortoqarsinnaallunilu, taakku tassaasinnaapput innaallagissiutit, imermik nukissiorfiit, kiisalu seqinermik nukissiutit nukissiutilluunniit allat. c) Tamaani illuliat sumut atorneqarneri apeqqutaalluni imermut kuuffinnullu atassusiinissamik pisussaaffiliisoqarsinnaavoq. d) atortorissaarutit c)-miittut atorneqarlutik sanilerisanut nipiliornermikkut, pujuliornermikkut, tipiliornermikkut, sajuppilutsitsinermikkut allatigulluunniit akornutaasut sananeqassanngillat

Aalajangersakkat sukumiisut naapertorlugit tamaani naatsiiviliorfissamik nunaminertamik atugassanngortitsisoqarsinnaavoq.